Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Uncategorized @af

Delmas-gemeenskap leer hoe om veiligheid op te skerp

DeurAfriForum 10/08/202310/08/2023

Die AfriForum-tak in Delmas het op 1 Augustus in samewerking met Fortis Pro Active Defence ’n insiggewende praatjie oor veiligheid vir die Delmas-gemeenskap aangebied.

Tydens die gesprek is daar ’n algemene oorsig van die misdaadsituasie in die land bespreek en hoe dit mense raak.

Die spreker het ook algemene veiligheidsaspekte in en rondom die huis bespreek en ’n vinnige oorsig gelewer oor items waarmee inwoners hulself kan verdedig. Die items, wat oor ’n wye spektrum strek, is besigtig en scenarios waaronder dit gebruik kan word, is ook bespreek. Die regsaspekte van selfverdediging is ook aangeraak.

“In die tyd waarin ons tans leef, is dit belangrik om verskeie scenario’s rakende misdaad te bespreek. Ons kan nie van misdaad af wegskram nie en ons moet weet wat om te doen as dit ons tref,” sê Carel Botha, voorsitter van AfriForum se Delmas-tak.