Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Ermelo-tak onderhou en beveilig plaaslike begraafplaas

DeurAfriForum 21/04/202221/04/2022

Die AfriForum-tak in Ermelo het gedurende April ’n projek geloods om die plaaslike begraafplaas op te ruim.

As gevolg van die Msukaligwa Plaaslike Munisipaliteit se gebrek aan dienslewering, is die terrein heeltemal toegegroei van die gras. Intussen het AfriForum ’n kontrakteur aangestel om op ’n gereelde basis die begraafplaas se gras te sny.

Die tak hou op 24 April tussen 12:00 en 14:00 ’n beveiligingsaksie by die begraafplaas om die gemeenskap die geleentheid te gee om hul geliefdes se grafte veilig te besoek. Hierdie projek is deur Mpumalanga Veiligheid begin en vind elke derde Sondag van die maand plaas in samewerking met AfriForum se Ermelo-buurtwag, TLU SA, Mpumalanga Landbou, sektor-polisiëring en Spartan Training. Gedurende hierdie projek word die begraafplaas gepatrolleer, terwyl besoekers ook na die grafte vergesel word.

“Voordat die gras gesny is, het besoekers, waaronder heelwat bejaardes, gesukkel om sonder hulp op die terrein rond te beweeg en juis daarom is hierdie projek geloods,” sê Renier van Heerden, AfriForum se voorsitter van die Ermelo-tak.