Mpumalanga-vullisterreine in haglike toestand
AfriForum het vanjaar 135 vullisterreine landwyd geoudit as deel van die organisasie se nasionale projek om die gehalte van vullisterreine in Suid-Afrika te meet.
Geen Mpumalanga-vullisterrein wat geoudit is, het aan die nasionale standaarde voldoen nie. Kragtens toepaslike wetgewing en regulasies, waaronder die Wet op Nasionale Omgewingsbestuur: Vullis (Wet no. 59 van 2008), moet ’n vullisterrein aan bepaalde vereistes voldoen.
Só vergelyk die vullisterreine in Mpumalanga:
| Naam van tak/vullisterrein | Munisipaliteit/ verantwoordelike instelling | Lisensienommer | Nakomingstelling (%) | ||||||
| Mpumalanga: | 2015 | 2016 | 2017 | 2018 | 2019 | 2020 | |||
| Amersfoort | Dr. Pixley Ka Isaka Seme PM | – | – | – | – | 6 | – | – | |
| Barberton | Mbombela PM | B33/2/10960/P131 | – | – | – | – | – | 46 | |
| Belfast | Emakhazeni PM | 12/9/11/P95 | – | 8 | 10 | 14 | 41 | 48 | |
| Breyten | Msukaligwa PM | – | – | – | – | – | 0 | – | |
| Bethal | Govan Mbeki PM | 17/4/WL/MP/307/13/02 | 72 | 12 | 17 | 11 | 10 | 5 | |
| Carolina | Albert Luthuli PM | – | – | – | – | 0 | 4 | 0 | |
| Delmas | Victor Khanye PM | B33/2/220/9/P218 | 48 | 24 | 14 | 6 | 12 | 30 | |
| Dullstroom | Emakhazeni PM | – | – | 12 | 2 | 0 | 4 | 0 | |
| Ermelo | Msukaligwa PM | 16/2/7/C112/D1/Z1/P427 | 84 | 52 | 42 | 18 | 2 | 18 | |
| Evander | Govan Mbeki PM | – | – | – | – | 0 | 0 | 6 | |
| Kinross | Govan Mbeki PM | 17/4/WL/MP/307/15/01 | – | – | 6 | 6 | 6 | 4 | |
| Leandra | Govan Mbeki PM | – | – | – | – | 20 | 6 | 6 | |
| Lydenburg | Thaba Chweu PM | – | 56 | 12 | 35 | 36 | 33 | 10 | |
| Machadodorp | Emakhazeni PM | – | 16 | 16 | 6 | 3 | 10 | 6 | |
| Morgenzon | Lekwa PM | – | – | – | 1 | 1 | 0 | 0 | |
| Middelburg | Steve Tshwete PM | 16/2/7/B10/D33/Z1/P412 | – | – | 36 | 95 | 28 | 58 | |
| Nelspruit | Mbombela PM | 12/9/11/P5 | – | – | 64 | 80 | 74 | – | |
| Piet Retief | Mkhondo PM | – | 40 | 68 | 57 | 39 | 12 | 48 | |
| Secunda | Govan Mbeki PM | 17/4/WL/MP/307/13/01 | 76 | 42 | 19 | 24 | 10 | ||
| Standerton | Lekwa PM | 17/4/A18/MP305/10/01 | 24 | 32 | 26 | 14 | 0 | 18 | |
| Volksrust | Dr. Pixley Ka Isaka Seme PM | – | — | – | – | 16 | 2 | 16 | |
| Witbank | Emalahleni PM | B33/2/210/32/P136 | 68 | 64 | 47 | 30 | 60 | 34 | |
| Witrivier-oorlaaistasi | Mbombela PM | – | – | – | 74 | 80 | 80 | – | |
Die oudit bestaan uit ’n lys van 33 vrae wat die minimum vereistes vir vullisterreine in Suid-Afrika meet en sluit faktore soos toegangsbeheer, brande, mediese afval, omheining, rehabilitasie en dies meer in. ’n Vullisterrein moet minstens 80% behaal om aan wetgewing te voldoen.
Volgens Bronwen Pretorius, AfriForum se distrikskoördineerder vir die Hoëveld, is al die vullisterreine in dié provinsie in ’n haglike toestand, wat hoofsaaklik toegeskryf word aan ’n tekort aan verantwoordbaarheid by munisipaliteite.
Pretorius sê voorts die algemeenste probleme wat AfriForum tydens die oudit ondervind het, is onder meer die afwesigheid van afvalbestuurslisensies en die algehele wanbestuur van die terreine.
AfriForum-takke sal ook druk op owerhede in hul gebiede plaas om afvalmoniteringskomitees te stig om die afvalbestuursproses te verbeter. Dié komitees sal bestaan uit munisipaliteite en belanghebbende partye wat vullisbestuur in die betrokke dorp wil verbeter. AfriForum gaan ook ná afloop van die projek ’n vergadering met Barbara Creecy, Minister van Omgewingsake, belê om terreine te identifiseer sodat dit herstel en weer op peil gebring kan word.
Die ouditverslag sal ook aan die Groen Skerpioene oorhandig word vir verdere ondersoek en optrede teen munisipaliteite wat nie aan die vereistes voldoen nie. AfriForum sal die proses deurlopend moniteer om te verseker dat die vullisterreine se standaard genoegsaam verbeter.
- Lees die volledige verslag hier.
