Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum pak volhoubare projekte in Bloemfontein aan

Deur 22/09/202002/11/2020

AfriForum se Bloemfontein-takke het in September verskeie volhoubare projekte aangepak om die woonbuurte op te knap en dienste te lewer.

Die takke het weens die Mangaung Metro se vertraging met dienslewering ’n vullisverwyderingsprojek van stapel gestuur en self vullis in die onderskeie woonbuurte verwyder. Woonbuurte is uiters onnet gelaat nadat vullissakke wat nie verwyder is nie, oopgeskeur is. Daar is ook op 4 en 19 September begin om straatname in onderskeidelik Fichardtpark en Pellissier te verf met behulp van onafhanklike kontrakteurs.

“AfriForum het reeds ’n aanmaning aan die Manguang Metro gerig aangesien die dienste wat hulle aan belastingbetalers moet lewer, nie plaasvind nie. Ons het nog geen terugvoer hieroor ontvang nie. Ons ontvang egter baie positiewe terugvoer van die gemeenskap oor ons volhoubare projekte. Die nuut geverfde en sigbare straatname laat die woonbuurte netjies lyk en maak sake ook makliker vir nooddienste om strate te identifiseer,” sê Christo Groenewald, AfriForum se distrikskoördineerder vir Bloemfontein.

Besoek AfriForum se webtuiste by www.afriforum.co.za/vullisverwydering/ om vir die vullisverwyderingsdiens te registreer of stuur ’n SMS na 45266 (R1) om by AfriForum in Bloemfontein betrokke te raak.

* AfriForum se #VegEnBou-projek word in Oktober in Bloemfontein gehou en verskeie opheffingsprojekte sal gedurende die maand gedoen word. Hou AfriForum se sosialemediaplatforms dop vir meer inligting.