Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se buurtakke deel kos vir kosprojek met mekaar

DeurAfriForum 20/08/202002/11/2020

Die AfriForum-tak in Bloemhof het besluit om van die surplus voedsel wat hulle as skenkings ontvang het met hul buurtak in Wolmaransstad te deel.

Op 18 Augustus is sowat 2 ton aartappels en 250 kg vleis in Wolmaransstad afgelewer. Die verspreiding daarvan word deur die plaaslike N.G. Kerk in samewerking met die AfriForum-tak in Wolmaransstad hanteer.

Die kos word versprei na behoeftige mense in Wolmaransstad, Leeudoringstad, Makwassie en Witpoort. Kerke en tehuise word by die projek betrek en van die aartappels gaan gebruik word om warm, voedsame sop te voorsien aan kinders wat volgende week terugkeer skool toe.

“Dit maak ’n mens se hart warm om die mededeelsaamheid onder ons mense te sien. Dis wonderlik om te deel as jy meer het as wat jy kan gebruik. Baie dankie aan die AfriForum-tak in Bloemhof vir hulle groothartigheid,” sê Alta Pretorius, AfriForum se distrikskoördineerder vir die Mooirivier.

Gerhardt Nieuwoudt, AfriForum se distrikskoördineerder vir Stellaland, beskou dit as ’n voorreg om te sien hoe gemeenskappe saamstaan tydens die pandemie. “AfriForum het nou al oor en oor bewys dat ons ten spyte van ‘n wêreldwye pandemie steeds regstaan om te help waar ons kan.”

Die gemeenskap word aangemoedig om by dié AfriForum-tak betrokke te raak om sodoende ’n daadwerklike verskil te maak: SMS “Wolmaransstad” na 45351 (R1).