Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum-buurtwagte span saam om groter Mosselbaai-gemeenskap te beveilig

DeurAfriForum 21/07/202321/07/2023

Verskeie AfriForum-buurtwagte het op 14 Julie in Groot-Brakrivier saamgekom om hul gemeenskap teen misdaad te beveilig. AfriForum se buurtwagte in Glentana, Groot-Brakrivier en Midbrak het om 16:00 die area in ’n konvooi begin patrolleer. Later het die konvooi in kleiner groepe verdeel om ’n groter grondgebied te dek. Die patrollie het tot 06:00 die volgende oggend geduur.

Daar het 87 buurtwaglede en meer as 50 motors aan die patrollie deelgeneem en 1 217 km is afgelê. Verskeie ander areas in die Suid-Kaap het ook deelgeneem, soos die Heroldsbaai-gemeenskap naby George, Albertinia en Riversdal in die Hessekwa-distrik en buurtwagte in Swellendam.

“Dit is verblydend om te sien hoe hoop geskep word deur ons gemeenskappe veilig te hou. Deur patrollies soos hierdie uit te voer, kan ons ’n daadwerklike verskil maak. Ons sal voortgaan om gemeenskapsveiligheid te bevorder en uit te bou ten spyte van vele uitdagings,” sê Marthinus Erasmus, AfriForum se distrikskoördineerder vir die Suid-Kaap.

“Gedurende die patrollie het inwoners hul dank van die sypaadjies af betuig. Ons is dankbaar dat die gemeenskap in groot getalle saamgestaan het en bedank hul deelname. Dié tak moedig die Suid-Afrikaanse Polisiediens (SAPD) aan om in die toekoms ook aan die patrollie deel te neem. Saam is ons sterker,” sê Johan Scheepers, leier van die Groot-Brakrivier- buurtwag.

Sluit vandag aan by jou naaste AfriForum-tak of -buurtwag. Kontak Johan Scheepers by 083 460 0383.