Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AFRIFORUM SE CENTURION-TAK SKENK HERWINNINGSHOKKE AAN AKADEMIA

DeurAfriForum 08/06/202103/09/2021

Die AfriForum-tak in Centurion is voortdurend besig om die omgewing te verbeter en die gemeenskap te versterk. Dié tak het in samewerking met AfriForum se omgewingsake-afdeling besluit om herwinningshokke aan Akademia te skenk om te help om studente bloot te stel aan die voordele van herwinning en die impak daarvan op die omgewing.

Hierdie is die derde herwinningsprojek waarby die tak betrokke is. Die tak het vyf hokke geskenk wat onderskeidelik gebruik kan word om papier, plastiek en glas te herwin. Die tak wil mense graag aanmoedig om in hul eie huishoudings te herwin en van die reeds bestaande herwinningspunte gebruik te maak.

“Die tak is trots daarop om deel te kon wees van die vestiging van ’n derde herwinningspunt van dié soort in Centurion. Ons glo dat ons almal stadig maar seker saam ’n verskil maak,” sê André de Bruyn, voorsitter van AfriForum se Centurion-tak.

“AfriForum sal voortgaan om projekte aan te pak om die gemeenskap en omgewing vir almal te verbeter. Ons is dankbaar vir die tak en elke rolspeler wat help om Centurion ’n veiliger en beter plek vir almal te maak. As ’n gemeenskap saamstaan kan ons baie vermag,” sê Jp Nel, AfriForum se distrikskoördineerder vir Groter Pretoria-Suid.

Die tak beplan om deur die jaar verskeie groot projekte aan te pak en wil die gemeenskap graag uitnooi om hul Facebook-blad dop te hou en by die groepe op die Telegram-toep aan te sluit.

Raak vandag nog by AfriForum se Centurion-tak betrokke om ’n daadwerklike verskil in jou gemeenskap te maak: SMS “Centurion” na 45341 (R1).

Gemeenskapsake Mediaverklarings | Mediaverklarings

Tshwane-metropolisie ontbied om stokkie te steek voor AfriForum se herstelwerk

DeurAfriForum 30/01/202430/01/2024

Klap in die gesig van vrywilligers wat stad wil opbou, meen burgerregtegroep Die burgerregteorganisasie AfriForum moes vandag (29 Januarie) herstelwerk…

Mediaverklarings | Onderwys- en leierskapsprojekte Mediaverklarings

Akademia-studente wys hulle staal in Dink of Sink-debatskompetisie

DeurAfriForum 17/07/202317/07/2023

Die eerste uitdunronde van AfriForum se Dink of Sink- onvoorbereide debatskompetisie vir universiteite het Saterdag by Akademia in Centurion plaasgevind….