Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Veiligheid Mediaverklarings

AfriForum se Laeveld-buurtwagte verwelkom hommeltuigvlieëniers

DeurAfriForum 11/09/202002/11/2020

AfriForum se Malalane-buurtwag het onlangs twee hommeltuigvlieëniers in Orania laat oplei. Dié vlieëniers gaan die AfriForum-buurtwagte in die Laeveld voortaan met veiligheidsaksies ondersteun.

Hommeltuie is reeds met groot sukses gebruik tydens die Spioenkop- en Cromdale-grondgryp, asook die stakings in Barberton vroeër vanjaar. Dit kan ook aangewend word om ondersteuning te bied wanneer plaasaanvalle plaasgevind het.

Buurtwagte kan hommeltuie aanwend om areas te verken sonder om persone in gevaar te stel. Inligting wat tydens verkenning ingewin word – byvoorbeeld van brandpunte in die direkte omgewing, moontlike wapens en die teenwoordigheid van verdagtes – kan die SAPD en ander sekuriteitsdienste in hul werk ondersteun.

Die vlieëniers is opgelei in die regsaspekte van hommeltuievlugte, hoe om die hommeltuig veilig te beman en ook hoe om tydens operasies suksesvol met grond-tot-lug-radio’s te kommunikeer. Vlieëniers werk in spanne van twee tydens veiligheidsoperasies, maar albei operateurs kan die tuig beheer.

“Die span sal voortaan aan al ons buurtwagte in die Laeveld-omgewing ondersteuning bied. Hul optrede gaan lewens beskerm en verseker dat korrekte besluite tydens veiligheidsoperasies vroegtydig geneem kan word”, sê Hillel Coetzer, AfriForum se hoof van Gemeenskapsveiligheid vir die noordstreek.

Mediaverklarings

AfriForum kritiseer regulasie van die Padverkeersbestuurskorporasie

DeurAfriForum 01/10/202101/10/2021

Die burgerregteorganisasie AfriForum het vandag ’n skriftelike voorlegging by die Departement van Vervoer ingedien wat regulasie 2007 van die Padverkeersbestuurkorporasie…