Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AFRIFORUM SE PIET RETIEF-BUURTWAG HOU SIGBAARHEIDSPATROLLIE SAAM MET SAPD

DeurAfriForum 02/02/202102/09/2021

Vrywilligers van die AfriForum-buurtwag in Piet Retief het die naweek van 29 en 30 Januarie 2021 aan nóg ’n suksesvolle sigbaarheidspatrollie deelgeneem. Altesaam 43 patrolleerders het aan die aksie deelgeneem, terwyl die plaaslike polisiestasie ook van sy lede vir die patrollie beskikbaar gestel het en verkeersbeamptes ook daaraan deelgeneem.

Tydens dié patrollie het ’n konvooi elke sektor in Piet Retief besoek en die SAPD kon verskeie arrestasies uitvoer, waaronder ’n lid van die publiek weens minagting van ’n opdrag van die SAPD en vir die aandklokreël. Die verkeersbeamptes het voertuie afgetrek en saam met die SAPD deursoek.

“Dit is vir ons belangrik om hierdie inisiatief gereeld uit te voer om voortdurend sigbaarheid in die gemeenskap te verseker en kriminele aktiwiteite in ons dorp te beperk,” sê Bronwen Pretorius, AfriForum se provinsiale veiligheidskoördineerder vir Mpumalanga.

“Die gemeenskap se insette en hulp word hoog op die prys gestel en kan tot almal in Piet Retief se veiligheid bydra. Ons wil inwoners daarom aanmoedig om deel te word van die buurtwag,” sê CJ Pieterse, leier van AfriForum se Piet Retief-buurtwag.

Raak vandag nog by AfriForum se plaaslike veiligheidstrukture betrokke: SMS jou dorp se naam na 45353 (R1).