Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Onderwys- en leierskapsprojekte Mediaverklarings

AfriForum woon openbare verhoor in Tzaneen oor omstrede BELA-wet by

DeurAfriForum 27/02/202327/02/2023

Verteenwoordigers van die burgerregteorganisasie AfriForum het die openbare verhoor oor die Wysigingswetsontwerp op Basiese Onderwyswette (beter bekend as die BELA-wet) op Saterdag 25 Februarie in Tzaneen bygewoon. Stephan Honiball, die voorsitter van die Tzaneen-tak, het namens AfriForum by dié verhoor ’n voorlegging gelewer waarin hy beklemtoon het dat die ANC se poging om meer mag oor skole in die land te bekom, vernietigend vir gehalte onderrig oor die algemeen en Afrikaanse onderwys in die besonder sal wees.

AfriForum het beklemtoon dat die voorstelle in die wetsontwerp bepaal dat die provinsiale onderwyshoofde voortaan die finale sê oor onder meer die toelatings- en taalbeleid van skole moet hê, die mees aanvegbare aspek daarvan is. Dit kom dan neer op onaanvaarbare toenemende magsentralisasie in die hande van die staat.

Tans geld dié bepalings van die Skolewet wat ’n positiewe samewerkingsmodel tussen die staat en skoolgemeenskappe, soos verteenwoordig deur beheerliggame van skole. AfriForum se standpunt is dat beheerliggame as demokraties verkose verteenwoordigers van ouers, leerders en plaaslike skoolgemeenskappe, die beste in staat is om die behoeftes van hul skole te bepaal en die mees gepaste insette kan gee om te verseker dat leerders toegang tot uitnemende onderwys in ’n vormende opvoedkundige en kulturele omgewing kan geniet. Kwessies soos die taalbeleid en toelatingsvereistes moet die behoeftes van die gemeenskap dien, nie ’n sentrale regeringsverteenwoordiger wat dikwels onbeskaamd ’n politieke agenda dryf nie.

AfriForum is verder ook bekommerd oor gedeeltes van die wetsontwerp wat bots met die Grondwet, bestaande wetgewing en uitsprake van die Konstitusionele Hof. As dit in die huidige formaat aanvaar word, sal litigasie beslis daarteen volg, wat net meer van belastingbetalers se swaarverdiende geld sal mors.

AfriForum is geheel en al teen die aanvaarding van die wysigingswetsontwerp gekant.

Maak vandag nog ’n verskil in jou gemeenskap en raak betrokke by jou plaaslike AfriForum-tak: SMS jou naam na 45350 (R1).

Vir meer inligting gaan na www.redafrikaans.co.za.