Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Onderwys- en leierskapsprojekte Mediaverklarings

Dink of Sink: Pretoriase laerskole debatteer ’n hond uit ’n bos

DeurAfriForum 01/03/202401/03/2024

Die eerste Dink of Sink- onvoorbereide debatskompetisie vir laerskole het op 29 Februarie by Hoërskool Montana plaasgevind. Die doel van die Dink of Sink- onvoorbereide debatskompetisie is om debat in Afrikaans op skool- en universiteitsvlak te bevorder. Vorige jare is dié kompetisie slegs vir hoërskole en universiteite aangebied, maar in 2024 kon Gautengse laerskole ook hulle graad 6 en 7 leerders inskryf.

Altesaam 42 leerders van Laerskool Anton van Wouw, Laerskool Constantiapark en Laerskool Pretoria-Oos in Pretoria het in 14 spanne deelgeneem. Laerskool Anton van Wouw het in die finaal teen Laerskool Pretoria-Oos deelgeneem en as wenners uit die stryd getree.

“Dit was werklik ’n belewenis om te sien hoe hierdie kinders die geleentheid om te debatteer aangegryp het. Dit was baie van hulle se eerste debatsgeleentheid en dit was boonop onvoorbereid! Hulle het gewys wat in hulle steek met goed geformuleerde argumente wat hulle met selfvertroue aangebied het,” sê Nicolene Müller, projekkoördineerder vir Onderwys by AfriForum.

“Ons het aan die begin van Februarie werksessies vir die laerskole aangebied en ons staan in verwondering oor wat hulle in minder as ’n maand kon vermag. Dit is ’n voorreg om hierdie geleentheid aan te bied en ons sien uit om in die komende jare te sien hoe die kinders groei,” sluit Müller af.