Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Hessekwa-tak kondig nuwe bestuur aan

DeurAfriForum 19/05/202319/05/2023

AfriForum se Hessekwa-tak het op 17 Mei in Riversdal gereorganiseer. Die geleentheid is voorafgegaan deur gemeenskapsvergaderings in Albertinia en Stilbaai waartydens Kallie Kriel, die uitvoerende hoof van AfriForum, die gaste toegespreek het.

Die nuwe takbestuur bestaan uit Vivian Lourens (voorsitter), Ben Dell (ondervoorsitter), Anthea Nell (sekretaris), Louis van der Walt (tesourier), Johan Wessels (veiligheid), Ian Grobbelaar (jeug), Andre Louw (plaaslikeregeringsake) en Anthea Nell (sosiale media, bemarking en werwing).

Tydens die vergadering waar die nuwe takbestuur aangekondig is, het Kriel ’n toespraak oor AfriForum se visie en funksionering gelewer. Hy het ook die konsep van gemeenskapsfederalisme verduidelik en waarom ons daarna moet streef.

Daarna het David Olivier, AfriForum se veiligheidspesialis vir die suidstreek, die organisasie se model kortweg voorgehou waarna die gehoor deur ’n verkiesingsproses gelei is en die vermelde lede tot die betrokke poste verkies is.

Die bestuur is baie trots om deel van AfriForum te wees en is gereed om hul take aan te pak.

“Ons sien uit daarna om talle selfdoen-projekte van stapel te stuur en om sodoende die gemeenskap te dien sowel as om hulle meer weerbaar te maak. Veiligheid begin by onsself en as ons hande vat is die gemeenskap veilig,” sê Vivian Lourens, voorsitter van die Hessekwa-tak.

Raak betrokke by AfriForum se Hessekwa-tak: Besoek www.wordlid.co.za.