Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Meer as 14 leë erwe deur Vryburg-tak getem

DeurAfriForum 04/06/202404/06/2024

Die AfriForum-tak in Vryburg het gedurende Mei verskeie projekte aangepak om ’n skoner, veiliger en voorspoedige omgewing vir almal te kweek. Die tak het meer as 14 leë erwe se lang gras gesny, bome op hierdie erwe gesnoei en rommel opgetel en verwyder. Die oop stuk veld langs die dorp se reservoirs is ook getem, wat beteken dat die tak altesaam 2,06 hektaar gras in Mei gesny het.

“Die oop velde en leë erwe word gereeld deur die Vryburg-tak onderhou om te keer dat misdadigers die lang gras as wegkruipplek gebruik of die leë erwe misbruik om sodoende toegang tot ander erwe te verkry,” sê Jp Nel, AfriForum se distrikskoördineerder vir Stellaland.

Hoewel die Vryburg-tak weekliks werk om die dorp te verbeter, het hy ook tyd afgestaan om op 18 Mei ’n tennistoernooi vir die gemeenskap aan te bied. Altesaam 38 deelnemers vanuit verskillende dorpe het mekaar die stryd aangesê toe hulle aan hierdie AfriForum-tak se tennisdag by die Ramblers Tennis & Squash Club deelgeneem het.

Ná talle stelle se uitstekende tennis het vier individue die oorhand oor hul opponente gekry en as oorwinnaars uit die stryd getree. Kevin Smithers en Junior van Eeden is as groep 1 se algehele wenners aangewys, terwyl Reinhard van Vuuren en Yolandi Fourie as groep 2 se algehele wenners aangewys is.

Dié tennistoernooi spruit voort uit die Vryburg-tak se jaarlikse sportnaweek wat later vanjaar vir die derde keer aangebied word.

“Dit is belangrik vir AfriForum se Vryburg-tak om terug te ploeg in die gemeenskap. Dié tennisdag was ’n groot sukses en het die gemeenskap die geleentheid gegee om hul bure beter te leer ken, te sien wat AfriForum vir die inwoners van Vryburg doen en by die tak betrokke te raak,” sê Nel.

Jy kan help om jóú omgewing te beveilig en te verbeter deur vandag nog by AfriForum betrokke te raak. Besoek www.wordlid.co.za vir meer inligting.