Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Reitz-tak reorganiseer

DeurAfriForum 13/06/202213/06/2022

Die AfriForum-tak in Reitz het op 8 Junie 2022 ’n gemeenskapsvergadering gehou waartydens die tak se bestuur gereorganiseer het. Nuwe bestuurslede is by hierdie geleentheid verkies deur die gemeenskap waar hulle kon insette lewer en nominasies maak oor die bestuurslede wat die tak sal verteenwoordig.

Die nuwe takbestuur bestaan uit Jean Hugo (voorsitter), Retha Rossouw (ondervoorsitter), Hannes Fourie (tesourier), Danielle Maree (sekretaris), Lezane Steyn en Pieter de Winnaar (gemeenskapsveiligheid), Jakes Jacobz en Hennie de Winnaar (plaaslikeregeringsake), Andre Meintjes (omgewingsake), asook Dené Lourens en Gert Heymans (jeug).

Chris Morgan, AfriForum se distrikskoördineerder vir die Hoogland, bedank die Reitz gemeenskap vir hul insette tydens die reorganisasie, asook die bestuurslede vir hul bereidwilligheid om op die takbestuur te dien. “Die nuwe bestuur wil graag saam met die gemeenskap werk om volhoubare en impakvolle selfdoenprojekte te begin. As die gemeenskap saamstaan om ’n beter omgewing en toekoms vir almal te skep, kan daar berge versit word.”

Die bestuur versoek die gemeenskap om vandag nog by dié tak betrokke te raak: SMS “Reitz” na 45344 (R1).