Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Noord van die berg-buurtwag lê 840 km af om Pretoria-Noord netjies te hou

DeurAfriForum 10/05/202410/05/2024

AfriForum se Noord van die berg-buurtspan het tydens April voortgegaan met hulle volhoubare skoonmaakaksies in Pretoria-Noord.

Die buurtspan het 1 958 swartsakke vol vullis opgetel, 77 vragte rommel en vullis weggery en 840 km deur die loop van die maand afgelê om dít reg te kry.

Hierdie buurtspan maak maandeliks verskeie areas in Pretoria-Noord skoon as deel van hulle volhoubare-aksies. Hierdie areas sluit onder meer in Delia-, André- en Francoisstraat, die hoek van Azalea- en Bokmakieriestraat, verskeie parke soos Suur Klapper-park en ook Monumentpoort, die Pretoria-Noord stadsaal en die Heldeakker-begraafplaas.

“Ons buurtspanne is altyd gereed om ’n verskil te maak en om hul omgewing netjies te maak. AfriForum se takke en buurtspanne sal aanhou om met aksies, soos hierdie, verval teen te staan en hoop te skep,” sê Sampie Steinberg, AfriForum se distrikskoördineerder vir Groter Pretoria-Noord.

Raak vandag nog by AfriForum se Noord van die berg-tak betrokke: www.wordlid.co.za