Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

Piet Retief-buurtwag hou sigbaarheidspatrollie om misdadigheid te ontmoedig

DeurAfriForum 17/05/202410/06/2024

AfriForum se Piet Retief-buurtwag het op Vrydag 17 Mei 2024 nóg ’n maandelikse sigbaarheidsoperasie voltooi. Hierdie sigbaarheidsoperasies help om misdadigers weg te dryf aangesien veiligheidstrukture meer sigbaar is en dit help ook om die buurtwaglede beter te organiseer ten einde te verseker dat hulle soos ’n eenheid funksioneer. Dit help ook dat die gemeenskap dan makliker met die buurtwagte kan skakel en die buurtwaglede kan leer ken.

Agtien buurtwaglede was aan diens gewees tydens hierdie operasie. Dié lede het statiese patrollies uitgevoer en ook stop-en-soek-operasies saam met die plaaslike SAPD uitgevoer. Talle lede het ook voetpatrollies uitgevoer en deur vleie patrolleer waar sluipslapers woon en wat ook kan dien as wegkruipplek vir kwaaddoeners. Geen ernstige gevalle of klagtes is tydens hierdie sigbaarheidspatrollie aangemeld nie.

“Dit is noodsaaklik dat ons hierdie tipe sigbaarheidsaksies in ons dorpe dryf sodat ons proaktief kan optree in noodgevalle en ook kan bydra daartoe om kwaaddoeners te ontmoedig om misdade te pleeg,” sê Jan Botha, voorsitter van AfriForum se Piet Retief-tak.

Word vandag nog deel van die veiligheidstrukture in jou dorp by www.wordlid.co.za.