Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Weskus-tak pak ’n veldblom-projek in Langebaan aan

DeurAfriForum 03/10/202203/10/2022

Die AfriForum-tak in die Weskus het op 23 September die veldblom-projek by die Longacres Country Estate in die Langebaan-area van stapel gestuur.

“Die Weskus-tak het ’n inisiatief begin om veldblomme in die Longacres Country Estate met ’n bord wat die veldblomme se naam, asook agtergrond oor die blom aandui, te merk. Hierdie inligtingsborde is orals langs ’n staproete geplaas sodat besoekers aan die landgoed dit kan lees. Dié tak het nie hier gestop nie, maar het ook ’n bord opgerig wat inligting oor die tak vir stappers verskaf,” sê Sidney Monk, voorsitter vir die Weskus-tak.

“Blomme het ’n ryk geskiedenis en dit is vir ons belangrik om van hierdie geskiedenis bewus te wees en seker te maak ons beskerm die voortbestaan van dié blomme,” sluit Monk af.

AfriForum se Weskus-tak moedig die Weskus-gemeenskap aan om by dié tak betrokke te raak om sodoende ’n daadwerklike verskil in hul gemeenskap te maak: SMS “Weskus” na 45350 (R1) om vandag nog aan te sluit.