Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum-buurtwag in Wolmaransstad verwelkom nuwe bestuur

DeurAfriForum 28/09/202128/09/2021

Die AfriForum-buurtwag in Wolmaransstad het op Woensdag, 22 September 2021, ’n nuwe bestuur verkies nadat die ou bestuur uitgetree het.

Die volgende persone is tot die nuwe bestuur verkies: Chris van der Watt (buurtwagleier), Christo Willemse (spanleier: operasioneel), Riaan Jonker (spanleier: steun) en C.G. van der Watt (spanleier: inligting). Die span is vasberade om die buurtwag na nuwe hoogtes te lei en hulle deel te doen om misdaad in Wolmaransstad te bekamp.

“Die Wolmaransstad-gemeenskap besef dat hulle moet saamstaan om misdaad te bekamp. Om hierdie doel te bereik is dit nodig dat die gemeenskap betrokke raak by ’n georganiseerde buurtwag wat goeie verhoudings met die SAPD en plaaslike sekuriteitsmaatskappye bou om sodoende effektiewe samewerking te bewerkstellig,” sê Alta Pretorius, distrikskoördineerder vir die Mooirivier. “Baie dankie aan Piet du Preez wat die laaste paar jaar die buurtwag so suksesvol gelei het en baie sterkte aan die nuwe span.”

Sluit vandag nog aan by die plaaslike AfriForum-tak om sodoende ’n daadwerklike verskil te maak. SMS “Wolmaransstad” na 45344 (R1).