Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum dien Paia-aansoek teen eThekwini-metro in

DeurAfriForum 07/10/202207/10/2022

AfriForum het op 7 Oktober ingevolge die Wet op die Bevordering van Toegang tot Inligting (Paia) ’n aansoek teen die eThekwini-metro gebring. AfriForum eis ’n verslag van die skade wat deur die oorstromings veroorsaak is, ’n tydskedule vir die herstel van die skade sowel as ’n verslag oor die rampfonds vir die April 2022 oorstromings. Dit volg op ’n reeks versoeke wat tevergeefs aan die metro gestuur is.

“Durban en omliggende gemeenskappe is deur oorstromings getref en baie skade is aangerig, maar dis onaanvaarbaar dat noodsaaklike infrastruktuur nie spoedig herstel word nie. Rou riool loop in riviere en uiteindelik in die see in en gevolglik moet strande gesluit word,” sê Eugene van Aswegen, distrikskoördineerder vir KwaZulu-Natal.

AfriForum het ook onlangslangs kriminele klagtes teen die eThekwini-metro vir rioolbesoedeling aanhangig gemaak. Terselfdertyd het AfriForum ook klagtes by die Suid-Afrikaanse Menseregtekommissie (SAMRK) ingedien. Mangate wat oorloop en aangemeld word geniet nie aandag nie.

“By Winkelspruit loop ’n rioolmangat al ’n geruime tyd oor en die riool vloei selfs tot binne woonstelle,” sê Jannie van Staden, voorsitter van die Amanzimtoti-tak.

“Ek ontvang daagliks klagtes van ons lede in die Queensburgh- en Pinetown-omgewing van riool wat riviere besoedel. Dis onbegryplik dat hierdie probleem nie die aandag kry wat dit verdien nie,” sê Reinette Mostert, voorsitter van die Durban-Wes-tak.

“Volgens die eThekwini-metro se finansiële jaarverslag van 2020/21, is dié metro se eiendomsbelasting se bydrae tot die metro se begroting, R 9,2 miljard. Daar kan dus geen verskoning wees om nie die herstelwerk te doen nie. Volgens ons Grondwet het elkeen die reg op ’n omgewing wat nie skadelik vir hul gesondheid of welsyn is nie en op die beskerming van die omgewing,” sluit Van Aswegen af.

Ondersteun AfriForum om jou gemeenskap te help, sms jou “naam” na 45267(R1), of “stop” om uit te teken.