Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Centurion-buurtwag vuurwapens se baas ná opleiding

DeurAfriForum 14/03/202414/03/2024

Lede van AfriForum se Centurion-buurtwag sal die mas kan opkom as dié gebied ooit in gevaar is, aangesien nege buurtwaglede verdere opleiding in vuurwapenhantering ontvang het. Dit is die sesde opleidingsessie wat die Centurion-tak vir buurtwaglede aanbied. Dit is belangrik vir AfriForum se buurtwaglede om gereeld hul vaardighede op te skerp sodat hulle met die nodige kennis toegerus is om krisissituasies te hanteer.

Dewet Ungerer, AfriForum se distrikskoördineerder vir Groter Pretoria-Suid, sê die opleiding het uit ’n teoretiese sessie en verskeie praktiese oefeninge bestaan wat buurtwaglede help met die veilige hantering van ’n vuurwapen. Individuele analises is ook gedoen om die buurtwaglede se tekortkominge en sterkpunte met die hantering van ’n vuurwapen te identifiseer en daarop voort te bou.

Die opleiding is deur twee Centurion-buurtwaglede aangebied wat by die Professional Firearms Trainers Council (PFTC) geakkrediteer is en as skietbaanbeamptes opgelei is.

“AfriForum is daartoe verbind om sy buurtwaglede die beste moontlike opleiding te gee om hulle voor te berei vir enige situasie waarin hulle hulself tydens patrollies kan bevind,” sê Ungerer. “Dié vuurwapenopleiding is maar een van vele soorte opleidingsessies wat AfriForum vir sy buurtwaglede aanbied.”

Raak vandag nog by jou plaaslike AfriForum-tak se buurtwag betrokke deur ’n epos aan centurion@afriforumtak.co.za te stuur.