Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum nader Eskom wat Tshwane-metro se krag wil sny

DeurAfriForum 23/08/202223/08/2022

Die burgerregteorganisasie AfriForum het vandag ’n brief aan Eskom gestuur waarin die organisasie versoek dat Eskom alternatiewe ondersoek om gelde vanaf die Tshwane-metro in te vorder eerder as om die krag af te sny.

Dit volg ná Eskom vandag ’n kennisgewing uitgereik het waarin die kragmaatskappy dreig om die Tshwane-metro se krag af te sny as gevolg van die metro se versuim om hul ooreenkoms met Eskom na te kom en hul maandelikse betaling te maak.

Die metro het ’n agterstallige rekening van R1.6 miljard waarvan R68 miljoen reeds aan Eskom betaal is.

Hoewel AfriForum verstaan dat daar ’n ooreenkoms tussen Eskom en die Tshwane-metro is vir die betaling van hierdie rekening sal dit drastiese gevolge inhou vir die inwoners van Pretoria, wat wel elke maand getrou hul rekeninge betaal, indien die krag afgeskakel word.

“’n Geskil tussen staatsorgane is nie veronderstel om gemeenskappe skade te berokken nie,” sê Dewet Ungerer, AfriForum se distrikskoördineerder vir Groter Pretoria-Suid. “AfriForum sal alle moontlike pogings aanwend om met Eskom en die Tshwane-metro in gesprek te tree oor moontlike alternatiewe wat nie die getroue belastingbetaler in die donker gaan laat nie.”

“Dit is onregverdig om inwoners, wat hul rekeninge aan die munisipaliteit betaal, te straf weens die Tshwane-metro se versuim om nie hulle betalingsooreenkoms met Eskom na te kom nie,” sê Sampie Steinberg, AfriForum se distrikskoördineerder vir Groter Pretoria-Noord.

Raak vandag by ’n plaaslike AfriForum tak betrokke deur ’n epos te stuur na gemeenskapsake.navrae@afriforum.co.za.