Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

AfriForum pak Netflix oor diskriminerende nagraadse beursprogram

DeurAfriForum 29/10/202129/10/2021

Die burgerregteorganisasie AfriForum het ’n petisie van stapel gestuur en ’n skrywe aan die Netflix Black Creatives Empowerment Fund gerig. Dit volg ná die aanlyn stroomvermaaklikheidsdiens Netflix ’n beurs bekendgemaak het vir nagraadse studente in 2022 wat kwalifikasies in die flim- en TV-genres nastreef. Een van die kwalifiseringsvoorwaardes is dat die aansoeker swart moet wees soos gedefinieer in die BBSEB-gedragskode.

“Blatante diskriminasie van hierdie aard is onaanvaarbaar. Met hierdie beurs sal ’n ambisieuse wit student wat wil aansoek doen, onmiddellik afgekeur word op grond van die kleur van hul vel, ongeag hul finansiële agtergrond. Om te demonstreer hoe wreed diskriminerend hierdie beurs is: Die kriteria sal dit moontlik maak vir ’n swart kind van ’n ryk politikus of miljardêr om bevoordeel te word bó ’n wit kind uit ’n arm huishouding,” sê Ernst van Zyl, veldtogbeampte vir strategie en inhoud by AfriForum.

Hierdie tipe blatante, skaamtelose diskriminasie het geen plek in die samelewing nie en AfriForum wil daarom hê dat jy jou stem moet dik maak. Teken die petisie hier: https://afriforum.co.za/netflix-is-my-intekengelde-te-wit/