Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Bronkhorstspruit-tak verf voetoorgange

DeurAfriForum 06/09/202206/09/2022

Die AfriForum-tak in Bronkhorstspruit het op 2 September, drie voetoorgange, twee voor Hoërskool Erasmus en een voor Laerskool Du Preez van Wyk oorgeverf. Die tak het self die verf verskaf en sowat 60 liter wit verf is vir die doeleinde gebruik.

Die Bronkhorstspruit-tak is voortdurend op die uitkyk vir geleenthede om die gemeenskap beter by te staan. Hierdie tak weet dit is ’n tree in die regte rigting om sodoende ’n veiliger omgewing vir ons leerders te skep. Dié tak beplan om verskeie groot projekte gedurende die komende jaar van stapel te stuur en wil graag die gemeenskap uitnooi om aan hierdie projekte deel te neem.

“Die AfriForum-tak in Bronkhorstspruit sal aanhou om sy strukture te versterk en om hoop in gemeenskappe te skep deur projekte aan te pak wat ’n daadwerklike verskil in die betrokke area maak,” sê Sampie Steinberg, AfriForum se distrikskoördineerder vir Groter Pretoria-Noord.

Raak vandag nog by AfriForum se Bronkhorstspruit-tak betrokke en maak ’n verskil in jou gemeenskap: SMS “Bronkhorstspruit” na 45340 (R1).