Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum se Zeerust-buurtwag handhaaf hoë sigbaarheid

DeurAfriForum 04/03/202204/03/2022

Die AfriForum-buurtwag in Zeerust het ’n aktiewe Februarie-maand gehad en het altesaam 204 patrollies gery om sigbaarheid in die dorp te verhoog en misdaad hok te slaan.

Die buurtwag het die polisie ook bygestaan om ses verdagtes vas te trek wat uit die plaaslike gevangenis ontsnap het. Ander suksesse sluit in die voorkoming van twee huisinbrake en een poging tot kabeldiefstal.

“Hierdie suksesse is te danke aan die pro-aktiewe optrede van die Zeerust-buurtwag. Die hoë sigbaarheid van die buurtwag verminder die kanse van misdaadpogings in hul area. Ons is baie dankbaar teenoor die AfriForum-buurtwag in Zeerust wat van krag tot krag groei,” sê Petrus Coetzee, AfriForum se distrikskoördineerder vir Marico.

“Die Zeerust-buurtwag stel ’n goeie voorbeeld van die sukses wat bereik kan word as die gemeenskap saamstaan en proaktief optree. Hierdie suksesse is weereens ’n bewys dat AfriForum se spesialisopleiding, toerusting, plaaslike en nasionale radionetwerke en samewerking met ander rolspelers uiters suksesvol is,” sê Joseph Renaud, AfriForum se veiligheidshoof vir die sentraalstreek.”

“Ons is dankbaar vir elke lid wat hul tyd opoffer om ’n verskil te maak. Ons doen verder ’n beroep op lede van die gemeenskap om betrokke te raak en self hul veiligheid te prioritiseer. Sluit vandag nog by AfriForum aan en word deel van die oplossing,” sê Pierre van der Walt, buurtwag leier van AfriForum se Zeerust-buurtwag.

Raak vandag nog betrokke by AfriForum se Zeerust-buurtwag: SMS “Zeerust” na 45344 (R1) of skakel vir Van der Walt by 082 569 8564.