Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum skenk 42 ton voer aan boere in Williston

Deurafriforum 14/03/201802/11/2020

Die burgerregte-organisasie AfriForum het vandag 42 ton voer aan boere in die droogtegeteisterde Williston-distrik geskenk.
Volgens AfriForum se Williston-tak is dit tans só droog in dié gebied dat boere genoop is om bloekomboomblare vir hul skape te voer. AfriForum het daarom ’n projek van stapel gestuur om hierdie boere by te staan.

“Ons het die nodige fondse ingesamel om die voer te koop en aan boere in nood te skenk,” sê Deon de Jager, projekbestuurder van die Williston-droogtehulpprojek.

Die voer, wat by Weideman Voere in Jacobsdal aangekoop is, gaan van 12:00 af by die Williston-skougronde uitgedeel word. “Ons is dankbaar vir al die skenkings wat lede van die publiek gemaak het om ons in staat te stel om hierdie boere te help. Ek wil ook in besonder vir Carel Joubert vir sy reusebydrae tot die projek bedank,” sluit De Jager af.
Jy kan ook help: SMS “Nood” na 38312 en skenk R10, of besoek www.noodfonds.co.za.