Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum-tak in Klerksdorp begin met opruiming van voёlpark

DeurAfriForum 06/05/202206/05/2022

Die gemeenskap in Klerksdorp, onder leiding van die plaaslike AfriForum-tak, het onlangs begin met die opruiming van die voёlpark waar die Parkrun ook plaasvind.

Op 27 April het die Laerskool Saamtrek begin om die gedeelte aan hulle kant van die park netjies te maak. Op 29 April het die AfriForum-bestuur reeds van vroeg af gewerk om gras te sny en vullis op te tel. Mense wat aan die Parkrun deelneem en die Hoërskool Wesvalia en die Hoërskool Klerksdorp se landsdiensleerders het ook kom help om vullis op te tel, terwyl lede van die Wilkoppies Tennisklub hul werkers beskikbaar gestel het om die gate in die grondpad voor die tennisbane op te vul.

Die Klerksdorp-tak beplan nog baie projekte om die algehele netheid van die park te verbeter.

“Dit moet weer die veilige spogpark wees waar families kan kom piekniek hou, maar daarvoor is die gemeenskap se betrokkenheid egter nodig en word hulle gevra om betrokke te raak om saam ons toekoms te verseker. Baie dankie aan die lede en borge wat reeds bydraes lewer, daarsonder sou ons nie in staat gewees het om enige verbeterings in Klerksdorp aan te bring nie. Ek wil besighede versoek om betrokke te raak om van Klerksdorp weer ’n pragstad te maak,” sê Frans Roos, voorsitter van die AfriForum-tak in Klerksdorp.

“Hierdie projek is ’n belegging vir elke inwoner en toekomstige inwoner van Klerksdorp se toekoms, daarom is dit belangrik dat die gemeenskap sal opstaan en kom help met hierdie heerlike projek,” sê Alta Pretorius, AfriForum se distrikskoördineerder vir die Mooirivier.

Kontak vandag nog vir Esmari Greyling by 084 402 9683 om hande te vat en ons toekoms te verseker. Word deel van die oplossing: SMS Klerksdorp na 45344 (R1).