Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Centurion en Groter Moot-takke maak saam ’n verskil

DeurAfriForum 23/08/202323/08/2023

AfriForum se Centurion en Groter Moot-takke het op 19 Augustus die toegegroeide rante in Trichardstraat (M10) tussen Kruger- en Smutslaan oopgesny en takke verwyder. Hierdie is ’n hoofstraat in Kloofsig en moet netjies gehou word ten einde by te dra tot padverbruikers se veiligheid.

Die lang gras en takke wat los lê maak dit gevaarlik vir motoriste en voetgangers omdat dit tot teen die pad groei en sig belemmer – dit dien ook as ’n skuilplek vir boosdoeners.

“Hierdie AfriForum-takke pak gereeld selfdoenaksies, soos hierdie, aan om algemene probleme in die gemeenskap op te los en ’n positiewe bydrae tot die gemeenskap te maak,“ sê Sampie Steinberg, distrikskoördineerder vir Groter Pretoria-Noord.

“AfriForum se Centurion-tak is altyd gereed om ons kant te bring om die omgewing skoon en netjies te hou. Ons as gemeenskap moet trots wees op ons omgewing en daarom kan ons nie terugdeins wanneer ons sien ingryping is nodig nie,” sê André de Bruyn, voorsitter van AfriForum se Centurion-tak.

Raak vandag nog by AfriForum se Centurion en Groter Moot tak betrokke by www.wordlid.co.za