Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Jeffreysbaai-tak hou jaarvergadering en reorganiseer

DeurAfriForum 19/05/202219/05/2022

Die burgerregteorganisasie AfriForum het op 17 Mei in Jeffreysbaai hul algemene jaarvergadering gehou en hul takbestuur gereorganiseer.

Die nuwe takbestuur bestaan uit Fred Vermaak (voorsitter), Tertius Lombaard (ondervoorsitter), Brits van den Berg (sekretaris), Paul Eloff (tesourier), Hayden Bailey (veiligheid), David du Raan (omgewingsake), Tarryn Singleton (jeug), Christie de Klerk (plaaslikeregeringsake) en Chris Lategan (bemarking en werwing).

Tydens die vergadering het die afgetrede genl.maj. Roland de Vries die nuwe bestuur meer vertel oor gemeenskapsveiligheid en die impak wat misdaad in die gebied het.

Daarna het David Olivier, AfriForum se distrikskoördineerder in die Oos-Kaap, die organisasie se model voorgehou. Hy het ook uitgebrei oor AfriForum se veiligheidsplan en -strukture, asook voordele daaraan verbonde om hierdie twee aspekte in plek te hê. Dit sluit geakkrediteerde opleiding, toerusting, ’n nasionale netwerk en waardevolle ervaring in.

Die bestuur is baie trots om deel van AfriForum te wees en is gereed om hul take aan te pak.

“Ons sien uit daarna om talle selfdoen-projekte van stapel te stuur en om sodoende die gemeenskap te dien sowel as om hulle meer weerbaar te maak. Veiligheid begin by onsself en as ons hande vat is die gemeenskap veilig,” sê Fred Vermaak, voorsitter van die Jeffreysbaai-tak.

Om betrokke te raak by AfriForum se Jeffreysbaai-tak SMS “Jeffreysbaai” na 45350 (R1).