Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Strand-tak en Strand Patrol-buurtwag skenk tonne troeteldierkos

DeurAfriForum 19/07/202319/07/2023

AfriForum se Strand-tak en die Strand Patrol-buurtwag het op 14 Julie ongeveer 1 900 kg troeteldierkos ingesamel en aan die Animal Welfare Society (AWS)en PetPals in die Strand geskenk. Hierdie besluit is geneem aangesien organisasies soos dié se uitdagings nooit stop wanneer dit by die versorging van diere kom nie.

Verskeie skenkings van troeteldierkos en kontantdonasies van die gemeenskap, plaaslike ondernemings, AfriForum se hoofkantoor en die publiek het dit vir die tak moontlik gemaak om dié groot hoeveelheid kos in te samel en aan die organisasies te skenk. Verder is daar ook komberse, lekkernye, speelgoed en vlooipoeier ingesamel en geskenk.

Ná dié skenking oorhandig is, het AfriForum se Strand Patrol-buurtwag, private sekuriteitsmaatskappye, lede van die Suid-Afrikaanse Polisiediens (SAPD), lede van hul verkeersafdeling asook AfriForum-personeel aan die nasionale patrollie deelgeneem om sigbaarheid in die area te verhoog en die gemeenskap te beveilig.

“Ek wil die gemeenskap bedank vir hul betrokkendheid. Dankie ook aan almal wat gehelp het en die skenking kom help oplaai het. Dít wys die krag van samewerking,” sê KC Gericke, buurtwagleier van AfriForum se Strand Patrol-buurtwag.

Raak vandag nog betrokke by die Strand-tak of die Strand Patrol-buurtwag. Kontak vir Jacques Benade by 081 217 0008.