Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Bo Karoo-tak bied opleiding aan

DeurSané 11/02/202211/02/2022

Die AfriForum-tak in die Bo Karoo het die afgelope week skietopleiding vir verskeie groepe in die streek aangebied. Inwoners van Orania, Modderrivier, Kimberley, Douglas en De Aar het aan die opleiding deelgeneem.

Hierdie opleiding dien as ’n pro-aktiewe benadering tot veiligheid sodat mense kan leer hoe om hulself, hul geliefdes en hul gemeenskap te beveilig.

Die skietopleiding is in samewerking met Leo Prinsloo aangebied, wat verlede jaar naam gemaak het toe hy ’n transitorooftog met kalmte hanteer het.

“Dit is vir ons belangrik dat veral vroue en kinders in die streek hulself vertroud maak met die hantering en gebruik van vuurwapens om hulself te kan verdedig in tye van nood,” sê Magdaleen Kleynhans, voorsitter van AfriForum se Bo Karoo-tak.

“Ons wil ons streek weerbaar en veilig maak. Dit is ook vir ons lekker om te sien hoe mense uit die gemeenskap bymekaarkom en mekaar op hierdie manier beter leer ken. Sodoende kan ons ’n sterk veiligheidsnetwerk in die streek bou,” voeg Kleynhans by.

Die tak beplan om vanjaar nog verskeie opleidingsessies aan te bied en wil die gemeenskap graag nooi om meer betrokke te raak. Raak vandag nog by AfriForum se Bo Karoo-tak betrokke en help bou aan ’n sterker veiligheidsnetwerk: SMS “Bo Karoo” na 45350 (R1).