Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Mosselbaai-tak verfraai parkie deur bome te plant

DeurAfriForum 14/09/202115/09/2021

Die AfriForum-tak in Mosselbaai het op 11 September 2021 17 kannabasbome (Dais cotinifolia) in Ysterhoutsingelpark, Heiderand, geplant. Dié tak plant jaarliks bome ter viering van Nasionale Boomplantmaand wat AfriForum op ’n nasionale grondslag ondersteun. Die Mosselbaai Plaaslike Munisipaliteit het ook gehelp deur die gate voor te berei waarin die bome geplant is.

Benewens dié bome wat geplant is, het die tak ook ’n boom aan die volgende skole geskenk wat die junior stadsraad gaan plant as deel van hulle boomplantinisiatiewe: Curro Privaatskool, Hoërskool Punt, Hoërskool Sao Bras, Hillcrest Hoërskool, Indwe Secondary School en Groot Brakrivier Secondary School. Die tak het dus altesaam 23 bome geskenk.

“Die AfriForum-tak heg baie waarde aan ons omgewing en het ’n verantwoordelikheid om ’n beter woonplek vir ons kinders na te laat. Ons wil met projekte soos dié ’n bewustheid en kultuur van bewaar en verbeter, onder veral ons kinders, vestig,” sê Charl Moller, voorsitter van die omgewingsakeportefeulje van AfriForum se Mosselbaai-tak.

Raak vandag nog deel van AfriForum se Mosselbaai-tak: SMS “Mosselbaai” na 45350 (R1).