Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AFRIFORUM SE NABOOMSPRUIT- EN POTGIETERSRUS-BUURTWAG HELP MET BRANDE

DeurAfriForum 18/05/202103/09/2021

Die AfriForum-buurtwagte in Naboomspruit en Potgietersrus het op 16 Mei gehelp om brande in die Naboomspruit omgewing te blus in samewerking met die Naboomspruit-brandweer en gemeenskappolisiëringsforum.

’n Bejaarde man wat probeer het om ’n brand te blus wat op sy plaas ontstaan het, is egter deur die vlamme omring. Hy het brandwonde opgedoen en is na die hospitaal in Naboomspruit gehaas.

Daar is ook by twee ander liggings gehelp om brande onder beheer te bring. Die Potgietersrus-buurtwag het ook op pad terug Potgietersrus toe ondersteuning gebied by ’n motorvoertuigongeluk op die R101 totdat die nooddienste opgedaag het.

“Dit is ongelooflik om te sien hoe almal saamstaan om te help,” sê Phillip van Staden, voorsitter van AfriForum se Naboomspruit-tak. “Ons het nie eers met die Potgietersrus-buurtwag geskakel om hulp te vra nie – hulle het net geweet hulle moet kom help.”

“Ons sien hoe die land oral om ons agteruit gaan. Spontaan vat mense net hande, want almal besef: Om bloot te sit en oor staatsverval te praat, gaan geen verandering meebring nie. Elkeen se bydra kan egter ’n verskil maak,” sê Andries Opperman, AfriForum se provinsiale veiligheidskoördineerder vir Limpopo.

Raak by ’n AfriForum-buurtwag in Limpopo betrokke: Laai die Telegram-toep af en soek vir @AfriForumBuurtBot (https://t.me/AfriForumBuurtBot).