Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Parys-tak vul slaggate

DeurAfriForum 01/02/202201/02/2022

Die AfriForum-tak in Parys het op 29 Januarie 2022 altesaam 64 sakkies teer van ongeveer 1,6 ton gebruik om slaggate in die dorp te vul.

Die plaaslike taklede het ingespring en slaggate in Grens- en Rubenstraat, asook in Eerstelaan, gevul. Lede van die AfriForum-buurtwag en lede van Security Master se reaksiegroep het hulle gehelp.

“Ek wil graag ’n beroep op elke inwoner in Parys doen om by hierdie tipe projekte betrokke te raak. Dit is so lekker om te sien dat selfs kinders saamwerk. Saam sal ons ’n verskil kan maak. Instansies wat hande wil vat met die AfriForum-tak is ook baie welkom, want selfdoen is beter as niksdoen,” sê Alta Pretorius, AfriForum se distrikskoördineerder vir die Mooirivier.

Die Parys-tak doen ’n beroep op die gemeenskap om betrokke te raak by hierdie projek. Die gemeenskap kan aktief betrokke raak en ook donasies maak in ’n poging om Parys slaggatvry te maak.

Belangstellendes kan vir Fanie Kruger, takvoorsitter, by 072 989 0901 kontak.