Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Ondersoek-en-traumaeenheid Mediaverklarings

AfriForum se traumavrywilligers prakties opgelei om by plaasaanvalle te help

DeurAfriForum 24/05/202424/05/2024

AfriForum se traumaeenheid het op 18 Mei 31 traumavrywilligers van die noordstreek opgelei om slagoffers van plaasaanvalle en geweldsmisdaad op die toneel te help. Weens die toename in hierdie tipe misdade het die behoefte aan traumaondersteuning toegeneem. Magda Coetzee en Izel Kruger, traumaberaders van AfriForum se traumaeenheid, het dié vrywilligers met die nodige kennis en vaardighede toegerus.

Die 31 vrywilligers is van verskeie buurt- en plaaswagte uit Alberton, Apiesrivier, Benoni, Brakpan, Brits, Delmas, Germiston, Hartbeespoort, Kemptonpark, Krugersdorp, Midvaal, Roodepoort, Secunda en Vanderbijlpark afkomstig.

Die praktiese opleiding is by AfriForum se hoofkantoor in Centurion aangebied. Die opleiding rus vrywilligers toe om slagoffers van plaasaanvalle op die toneel emosioneel te ondersteun, asook te bemagtig en in hul onmiddellike behoeftes te voorsien. Realistiese tonele is vir die kursusgangers geskep om hul vaardighede op die toneel op te skerp.

“Die vrywilligers het baie baat gevind by die praktiese opleiding en hulle het nou die nodige vaardighede om ondersteuning aan slagoffers in hul gemeenskappe te verleen. Hierdie opleiding en vrywilligers is ’n waardevolle toevoeging tot gemeenskapsveiligheid en ons hoop dit kan nog verder uitgebrei word,” sê Coetzee.

AfriForum se traumaeenheid moedig buurtwagte en takke aan om deurgaans vrywilligers vir die eenheid te werf om sodoende die eenheid se vermoë om slagoffers tydens plaasaanvalle te ondersteun te versterk.