Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum se veiligheidstrukture in suidstreek hou massapatrollie

DeurAfriForum 18/04/202318/04/2023

Die AfriForum-buurtwagte in die Noord-, Oos- en Wes-Kaap het op 14 April in samewerking met die SAPD, die plaaslike GPF, gemeenskapslede, verskeie sekuriteitsmaatskappye en veiligheidsinstansies ’n massapatrollie in hul onderskeie gebiede uitgevoer om polisiëringsigbaarheid te skep. Die aksie het omstreeks 18:00 begin en tot 06:00 die volgende oggend voortgeduur.

Altesaam 807 AfriForum-patrolleerders en 560 patrolleerders van ander instansies het aan die patrollie deelgeneem en ’n totaal van 18 123 km in 661 voertuie afgelê.

Gedurende die operasie is daar 26 voorvalle aangemeld en ook verskeie arrestasies gemaak. Van die voorvalle sluit in die besit van dwelms, onwettige wapens en ammunisie asook persone wat onder die invloed van alkohol bestuur.

“Die AfriForum-buurtwagte in die suidstreek sal voortdurend projekte aanpak en gereeld patrollies hou om misdaad in samewerking met die SAPD en ander veiligheidsinstansies hok te slaan en veiligheid te bevorder,” sê David Olivier, AfriForum se veiligheidspesialis vir die suidstreek.

Raak vandag nog by AfriForum se buurtwagte betrokke. Jy kan help om jóú omgewing te beveilig: Klik hier om by jou naaste buurtwag aan te sluit.