Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum-snuffelhond betrap verdagtes onkant

DeurAfriForum 16/08/202216/08/2022

Die AfriForum-buurtwag in Germiston aan die Oos-Rand van Gauteng was op 12 Augustus met hul snuffelhond, Storm, op patrollie toe sy versteekte smokkelware uitgesnuffel het.

Storm is spesifiek opgelei om dwelmmiddels uit te snuffel. Tydens ’n blaaskans het die span ’n winkel by ’n plaaslike vulstasie binnegegaan om verversings te koop, toe Storm aan haar hanteerder aangedui het dat twee klante in die winkel smokkelware wegsteek.

By nadere ondersoek is gevind dat die verdagtes in besit was van ’n ongelisensieerde vuurwapen, sowel as dwelms.

Een van die verdagtes het van die toneel gevlug en is deur buurtwaglede agternagesit, maar het daarin geslaag om te ontsnap. Die ander verdagte is aan die SAPD oorhandig en aangekla vir die besit van dwelms en ’n ongelisensieerde vuurwapen.

“Ons is baie trots op die toewyding en waaksaamheid wat ons patrolleerders en snuffelhonde aan die dag gelê het. Snuffelhonde speel ’n geweldige rol om ons patrolleerders se vermoëns te versterk om verdagtes betyds te identifiseer en vas te trek,” sê Jacques Broodryk, AfriForum se woordvoerder vir gemeenskapsveiligheid.

AfriForum het meer as 150 burgerlike veiligheidstrukture landwyd en sowat 10 000 vrywilligers wat ’n rol speel in die beveiliging van hul eie gemeenskappe.

Mediaverklarings

AfriForum stel gedetailleerde verslag bekend oor die omvang en blywendheid van rassewette in Suid-Afrika

DeurAfriForum 28/08/202328/08/2023

Die burgerregteorganisasie AfriForum het vandag ’n verslag vrygestel oor die mees blatante voorbeelde van die Suid-Afrikaanse regering se rassediskriminerende wetgewing….