Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum-takke help gemeenskappe tydens COVID-19-pandemie

Deur 03/06/202002/11/2020

AfriForum se takke in die Groter Pretoria-distrik het die afgelope maand meer as 30 ton voedsel aan sowat 1 270 behoeftige gesinne uitgedeel. Dié aksies is in samewerking met die COVID-19-taakspan – gestig deur die burgerregteorganisasie AfriForum, die familieboernetwerk Saai en Solidariteit Helpende Hand – en verskeie ander organisasies aangepak om gemeenskappe tydens die landwye inperking te ondersteun.

“Die nood onder gemeenskappe is groot. Die inperking het tot gevolg gehad dat talle mense hulle werk of inkomste verloor het,” sê Sampie Steinberg, AfriForum se distrikskoördineerder vir die Groter Pretoria.

Die volgende takke het altesaam meer as R250 000 se kos, handreiniger en maskers binne gemeenskappe versprei:

Apiesrivier
Wes-Moot
Oos-Moot
Moot-Sentraal
Bronkhorstspruit
Pionier
Roodeplaat
Rayton/Cullinan
Pretoria-Wes

“Dié projekte is met behulp van skenkings, takfondse en die nuutgestigde taknoodhulpfonds – wat sedert die inperking op die been gebring is – gefinansier. Ons het ook talle nodige skenkings vanuit die gemeenskap self ontvang. Dis wonderlik om te sien hoe gemeenskappe saamstaan om ’n wesenlike verskil te maak,” sê Steinberg.

AfriForum het ’n noodfonds vir elke tak geskep sodat dié aksies volhoubaar voortgesit kan word. Persone wat skenkings wil maak, kan hul naaste tak kontak. Alle inligting is op die taknoodfondsblad op AfriForum se webblad beskikbaar.