Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

AfriForum: Weg met rassekwotas; fokus op toegang tot fasiliteite en afrigting

DeurAfriForum 03/08/202111/10/2021

AfriForum het vandag in ’n mondelinge voorlegging voor die Krieket SA (KSA) se Social Justice and Nation Building- (SJN-)paneel gesê dat KSA onder regeringsdruk en politieke inmenging geswig het deur rassisme deur middel van rassekwotas struktureel deel van Suid-Afrikaanse krieket te maak. AfriForum is genooi om voor die paneel te verskyn nadat dié organisasie vroeër vanjaar ’n skriftelike voorlegging aan die SJN-komitee gemaak het.

Volgens Kallie Kriel, uitvoerende hoof van AfriForum, is sy organisasie sterk gekant teen enige vorm van rassisme en rassekwotas in sport . Hy glo dat daar eerder pogings aangewend moet word om te verseker dat elke jong atleet toegang tot fasiliteite en goeie afrigting kry. “Slegs op dié wyse sal die land se talent ten volle kan ontwikkel en daar verhoed kan word dat spelers se waardigheid al op skoolvlak deur rasgebaseerde spankeuses geskend word,” sê Kriel.

AfriForum het as alternatief tot kwotas ’n sespuntplan vir sportontwikkeling aan die SJN-paneel voorgehou. “Sou AfriForum se sespuntplan vir sportontwikkeling toegepas word en politieke agendas vermy word, sal ware bemagtiging van gemeenskappe en mense kan plaasvind. Sport het die vermoë om gemeenskappe saam te snoer, maar politieke inmenging in sport loop die risiko om gemeenskappe uitmekaar te jaag,” sê Ronald Peters, bestuurder van AfriForum Sport.

“Rassekwotas is immoreel, skend spelers se menswaardigheid en vererger ongelykheid. Boonop is dit teenstrydig met die regulasies van internasionale sportliggame. Dit benadeel sport in geheel,” sê Ernst van Zyl, veldtogbeampte vir strategie en inhoud by AfriForum.