Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Centurion-tak sorg vir veilige strate vir skoolkinders

DeurAfriForum 12/04/202412/04/2024

AfriForum se Centurion-tak het op 10 April die strepe en ander aanwysings op die pad geverf rondom Laerskool Swartkop. Dít in ’n poging om padveiligheid te verbeter veral aangesien baie skoolkinders daar beweeg.

Die spoedhobbels en voetoorgange is ook nuut oorgeverf sodat dit meer sigbaar is.

“Dit is vir ons uiters belangrik om ’n goeie bydrae in ons gemeenskap te lewer en seker te maak dat kinders veilig kan beweeg wanneer hulle paaie moet oorsteek,” sê André de Bruyn, voorsitter van AfriForum se Centurion-tak.

Dié tak moedig die gemeenskap aan om met ’n vrywillige bydrae of deur self betrokke te raak te help met aksies soos hierdie by www.wordlid.co.za of stuur ’n e-pos aan centurion@afriforumtak.co.za.