Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Veiligheid Mediaverklarings

Lede van Centurion-buurtwag verleen hulp aan vrou

DeurAfriForum 10/01/202310/01/2023

AfriForum se Centurion-buurtwaglede het op 9 Januarie ’n noodboodskap per Telegram van ’n vrou ontvang wat langs die N1-snelweg tussen die Bothalaan- en Rigel-afrit gestrand was. Die vrou moes noodgedwonge weens ’n pap band van die pad aftrek.

Die N1 is bekend vir voorvalle van misdaad daarom het die buurtwaglede dadelik gereageer. Hulle was binne oomblikke op die toneel om aan die vrou hulp te verleen terwyl reëlings getref is om haar voertuig veilig te verwyder.

“Dit is gebeurtenisse soos hierdie wat AfriForum se veiligheidsstrukture van kardinale belang maak. Dit is gemeenskapsleiers en vrywilligers wat hul eie tyd opoffer om ’n hand van hoop in tye van nood uit te reik,” sê Dewet Ungerer, AfriForum se streekskoördineerder vir die Groter Pretoria-Suid.

Die gemeenskap word aangemoedig om by hulle plaaslike AfriForum-tak betrokke te raak deur ’n e-pos na centurion@afriforumtak.co.za te stuur.