Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Durbanville-tak ontvang opleiding in selfverdediging

DeurAfriForum 16/05/202316/05/2023

Lede van AfriForum se Durbanville-tak het op 13 Mei opleiding in selfverdediging deur Truekrav gekry. Die opleiding is daarop gemik om gemeenskapslede se tegnieke oor selfbeskerming op te skerp.

Persone wat die opleiding bygewoon het, is hoofsaaklik woonagtig in die noordelike voorstede van Kaapstad. Volwassenes en kinders het uit die opleiding gebaat.

Christo Kellerman van Truekrav in Durbanville het sy kennis en vaardighede met die lede gedeel om hulself in situasies waar hulle aangeval word, te kan verdedig. Hierdie sessie is ’n inisiatief van die AfriForum-tak in Durbanville, die AfriForum-kantoor in die Wes-Kaap en Truekrav sodat mense ook aangemoedig kan word om voltyds by hierdie klasse aan te sluit en hul lewenservaring hierdeur te verryk.

“Ons is baie dankbaar vir Truekrav se openhartigheid teenoor AfriForum. Suid-Afrika is tans een van die wêreld se gewelddadigste lande om in te woon en daarom poog ons van AfriForum se kant om ons lede met selfverdedigingstegnieke te bemagtig,” sê Johan Crous, distrikskoördineerder van die Weskus.

Raak betrokke by die Durbanville-tak om sodoende ’n daadwerklike verskil in die gemeenskap te maak. Klik hier vir meer inligting.