Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

SAMWU moet pa staan vir skade tydens onbeskermde staking

DeurAfriForum 31/08/202331/08/2023

AfriForum verwelkom Cilliers Brink, burgemeester van die Tshwane-metro, se besluit om ’n siviele eis teen die South African Municipal Workers’ Union (SAMWU) in te dien weens skade wat gely is as gevolg van die langdurige onbeskermde loonstaking.

Volgens Sampie Steinberg, AfriForum se distrikskoördineerder vir Groter Pretoria-Noord, sal AfriForum die siviele aansoek ondersteun en die rekening wat hulle self aangegaan het om gemeenskappe te help, ook vereffen.

AfriForum het in ’n brief aan die burgemeester gesê dat daar ’n sterk regsgrondslag bestaan en dat daar streng optrede teen SAMWU geneem moet word. Hierdie tipe onbeskermde stakings kan waarskynlik weer gebeur of selfs na ander munisipaliteite uitbrei.

“Daar is prosesse wat gevolg kan word om hierdie onwettige doen en late te stop en die skuldiges tot verantwoording te bring. Dit is vir AfriForum ’n lig in die tonnel dat die Tshwane-metro uiteindelik hierdie prosesse begin ondersoek,” sê Dewet Ungerer, AfriForum se distrikskoördineerder vir Groter Pretoria-Suid.

AfriForum staan slaggereed om die Tshwane-metro te help en kan nie langer terugstaan en toelaat dat die onwettige stakers verder munisipale dienste ontwrig nie.

Laat weet AfriForum hoe die onwettige staking jou raak deur hierdie vorm te voltooi.