Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

Witrivier-buurtwag: Nuwe kaart in raadsaal van plaaslike polisie bevorder veiligheid

DeurAfriForum 14/11/202214/11/2022

AfriForum se Witrivier-buurtwag het op Woensdag 9 November ’n gedetailleerde kaart van die omgewing in die Witrivier-polisiekantoor se raadsaal opgehang. Dié kaart bevat omvattende inligting van die omgewing en dui die hoofroetes aan. Die kaart is opgehang om die polisie met gebeurlikheidsbeplanning te help en om tydens operasies duidelike inligting op die kaart aan te dui.

“Uit samewerking met die plaaslike polisie het ons agtergekom dat daar ’n behoorlike kaart in die polisiekantoor ontbreek, iets wat dit moeilik maak om operasies te beplan en uit te voer. Daarom het ons die kaart opgehang om die polisie by te staan sodat hulle dit as ’n hulpbron kan gebruik om misdadigers die hoof te bied,” sê Dawie Ruthven, voorsitter van die Witrivier-tak.

“Hierdie projek is net weereens ’n bewys dat buurtwagte wat aktief in hulle gemeenskappe betrokke is ’n daadwerklike verskil kan maak, hierdie kaart gaan beplanning vir die plaaslike SAPS en AfriForum se Witrivier-buurtwag aansienlik vergemaklik, aangesien geografiese inligting wat ontvang word maklik en vinnig op die kaart aangedui kan word, wat weer help om vinnige en akkurate inligting aan alle veiligheidrolspelers te verskaf,” sê Arlo van Heerden, distrikskoördineerder vir die Laeveld.

AfriForum se Witrivier-buurtwag nooi lede van die publiek uit om deel te word van die projek om sodoende die veiligheid van die Witrivier-area te verseker.

Mediaverklarings | Plaaslikeregeringsake Mediaverklarings

Vrystaatse munisipaliteite dop oudit vêr

DeurAfriForum 04/08/202204/08/2022

Die burgerregteorganisasie AfriForum het met ’n oudit van Vrystaatse munisipaliteite bevind dat die provinsie vrot vaar wat dienslewering betref. Die…