Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum stig buurtwag in Bothaville

DeurAfriForum 19/08/202002/11/2020

AfriForum se Bothaville-tak het op 17 Augustus die bestaande buurtwag in Bothaville verplaas om voortaan onder die vaandel van AfriForum te funksioneer omdat hulle die voordele wat dié burgerregteorganisasie aan buurtwagte bied, besef het.

Die buurtwag is reeds gevestig en doen uitstekende werk in Bothaville. Die werksaamhede gaan net so voort, nou net as deel van AfriForum. Alvorens ’n buurtwag gestig mag word, word 30 gedragskodes benodig.

Die bestuur van die buurtwag bestaan uit Thinus Barnard (voorsitter), André Smith (ondervoorsitter) en Melanie Barnard (sekretaris).

“Ek is bly dat hierdie buurtwag ook nou deel is van die AfriForum-veiligheidsnetwerk. Die inwoners besef reeds lankal dat hulle verantwoordelikheid vir hul eie veiligheid moet neem en om nie alles aan die polisie oor te laat nie. Ek glo dat die AfriForum-buurtwag baie goed met alle ander veiligheidsinstansies sal saamwerk,” sê Alta Pretorius, AfriForum se distrikskoördineerder vir die Mooirivier.

AfriForum bied bepaalde voordele en beskerming aan sy buurtwaglede en lede ontvang ook deurlopend opleiding. Inwoners wat graag by die AfriForum-buurtwag betrokke wil raak is welkom om Barnard by 083 447 6188 te skakel.

Die gemeenskap word aangemoedig om by dié AfriForum-tak betrokke te raak om sodoende ’n daadwerklike verskil te maak: SMS “Bothaville” na 31481 (R1).