Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Bantjesstraat het nou nóg ’n paar slaggate minder

DeurAfriForum 25/01/202425/01/2024

Die AfriForum-tak in Lichtenburg laat nie gras onder hulle voete groei nie. Dié tak het vanjaar al 12 ton teer gebruik om slaggate in Bantjesstraat te vul. Die oorblywende teer is gebruik om ’n sloot wat regdeur Beyers Naude-rylaan loop te herstel.

Hoewel daar nog baie werk voorlê om Lichtenburg heeltemal slaggatvry te maak is hierdie tak positief dat die werk wat hulle doen daartoe bydra. “AfriForum se Lichtenburg-tak sou nie kon doen wat hulle doen sonder die ondersteuning en skenkings vanuit die gemeenskap nie. Elke onderneming en elke lid wat hand bysit help ons om ’n verskil te maak,” sê Armand Viljoen, AfriForum se distrikskoördineerder vir Groot Marico.

Pine Pienaar, leier van hierdie slaggatprojek bedank graag verskeie ondernemings vir hulle bydra en doen ’n beroep op ander ondernemings in die gemeenskap om deel te word van hierdie projek. “Ons bedank graag die Ditsobotla Plaaslike Munisipaliteit wat die sement en gruis gegee het vir die voorbereiding, NWK wat weereens hul snymasjien en roller beskikbaar gestel het. Dankie ook aan Gideon van Lichcrete wat die vrag warm teer vervoer het.”

Besoek www.wordlid.co.za om aan te sluit of indien jy graag ’n bydra wil maak vir die slaggatprojek kontak die takvoorsitter, Steyn Kearny, by 082 803 3628.