Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Bloemfontein-takke versterk radionetwerk met provinsiale mediese nooddienste

DeurAfriForum 28/04/202228/04/2022

Die AfriForum-takke in Bloemfontein het op 22 April ’n tweerigtingradiostelsel aan die provinsiale mediese nooddienste in die Vrystaat oorhandig. Dit sal help met goeie kommunikasie tussen verskeie nooddieste tydens ongelukke of ernstige voorvalle.

AfriForum se beheerkamer in Bloemfontein lewer ’n diens aan die gemeenskap in samewerking met VR Security, AfriForum 911 se mediese-reaksievoertuig en die VR Med-ambulansdiens. Verskeie nooddienste, buurtwagte en sekuriteitsdienste behartig ook die kommunikasie om inligting rakende ernstige voorvalle aan alle rolspelers oor te dra.

“Goeie kommunikasie is van kardinale belang en die radionetwerk stel ons in staat om die nodige bronne na spesifieke voorvalle te ontbied. Dit sal ook help dat ons met verskeie nooddienste op hierdie platform kan kommunikeer sodat inligting oor voorvalle nie gedupliseer word of te veel bronne onnodig na een toneel toe haas nie. Dit is vir ons ’n groot voorreg om die provinsiale mediese nooddienste aanboord te hê,” sê Christo Groenewald, distrikskoördineerder vir Bloemfontein.

SMS “AfriForum” na 45344 (R1) om by AfriForum se Bloemfontein-takke aan te sluit en saam hoop te skep.