Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Delmas-tak loods skoonmaakaksie

DeurAfriForum 17/08/202317/08/2023

AfriForum se Delmas-tak het op 12 Augustus in samewerking met lede van die vrywilligersgroep Delmas Herleef en The Wild Bunch MC Revolution Chapter, ’n plaaslike motorfietsklub, die ingange na uitbreiding 4 in die dorp en etlike leë erwe in die gebied getakel en rommel opgetel. Dié aksie is geloods omdat die vullis die dorp onooglik maak en inwoners moedeloos laat voel.

Die skoonmaakaksie het onder die wakende oog van die Delmas-tak se ondervoorsitter, Jolene Rheeder, plaasgevind. Die Rheeders se oranje trekker, nou al standaard-“AfriForum-toerusting” tydens skoonmaakaksies, was ook weer hard aan die werk met Hennie Rheeder aan die stuur.

Rheeder en sy helper, Robert Mahlangu, het terselfdertyd ’n AfriForum-buurtwaglid se veiligheid opgeskerp deur ’n verwaarloosde, vakante kleinhoewe aangrensend aan haar eiendom skoon te maak. Dit volg nadat sy ’n paar keer lastig geval is deur booswigte wat daar skuiling gesoek het.

“Dit was hartverblydend om te sien hoeveel vrywilligers, insluitend jong kinders, vir die skoonmaakaksie opgedaag het. Aangesien Delmas die titel Dorp van die Jaar vir 2023 onder leiding van die bekwame Delmas Herleef-groep verower het, is dit vir ons ’n groot eer dat lede van dié groep by ons skoonmaakaksie betrokke was,” sê Carel Botha, voorsitter van AfriForum se Delmas-tak.

Klik hier en raak by AfriForum se Delmas-tak betrokke.