Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

Hoogland-buurtwagte hou massapatrollie

DeurAfriForum 13/07/2022

Die AfriForum-buurtwagte in die Hoogland-streek het op 8 Julie 2022 deelgeneem aan ’n nasionale patrollie in hul onderskeie gebiede om polisiëringsigbaarheid te verhoog. Die patrollie is in samewerking met die SAPD, die nooddienste, verskeie sekuriteitsmaatskappye, plaaslike gemeenskapspolisiëringsforums en ander veiligheidsinstansies uitgevoer.

Die patrollie het omstreeks 20:00 begin en tot 06:00 die volgende oggend geduur.

Die volgende dorpe/stede se AfriForum-buurtwagte het aan die nasionale patrollie deelgeneem: Bethlehem, Bultfontein, Winburg, Harrismith, Wesselsbron, Ventersburg, Odendaalsrus en die Welkom-distrik.

Altesaam 73 patrolleerders en 25 ander rolspelers het aan die patrollie deelgeneem en 1 491 km in 47 voertuie afgelê. Die buurtwagte het met verskeie voorvalle hulp verleen en sewe voorvalle is suksesvol hanteer.

“Sigbaarheid speel ’n deurslaggewende rol in misdaadbekamping en AfriForum se Hoogland-buurtwagte sal voortdurend projekte aanpak en gereelde patrollies in samewerking met die SAPD en verskeie sekuriteitsdienste organiseer om misdaad hok te slaan. Ons nooi alle lede uit om deel te word van hierdie dinamiese spanne. Opleiding word voorsien om ons lede te bemagtig met die regte kennis en hulle word met die nodige toerusting toegerus,” sê Chris Morgan, AfriForum se distrikskoördineerder vir die Hoogland.

Die gemeenskap word aangemoedig om by dié AfriForum-buurtwagte betrokke te raak om sodoende ’n daadwerklike verskil te maak: SMS “Buurtwag” na 45344 (R1).