Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

AfriForum waarsku teen hittegolf: Deel wenke oor veiligheid tydens uiterste hitte

DeurAfriForum 06/10/202306/10/2023

AfriForum het ’n gids saamgestel met wenke oor hoe mense hulself kan voorberei om sodoende veilig te bly wanneer uiterste hitte tref. ’n Hittegolf word voorspel vir die noordelike deel van die land wat nou in ’n droë seisoen verkeer. Die provinsies wat die hoogste temperature kan verwag is die Vrystaat, Noordwes, Gauteng, Mpumalanga en KwaZulu-Natal. Die hoë temperature kan die gemiddelde temperatuur van die warmste maand met 5°C vir drie dae en langer oorskry. Dié hittegolf verhoog ook die risiko’s vir veldbrande met toestande wat ook gunstig is vir weghol veldbrande.

AfriForum se gids sluit onder meer inligting in oor voorsorg voor ’n hittegolf asook veiligheidswenke gedurende en ná ’n hittegolf. Die gids kan hier afgelaai word.

“Tydens ’n hittegolf is dit veral belangrik dat daar voorsorg getref word vir bejaardes, kinders en troeteldiere soos om genoeg vloeistowwe in te neem en uit die son te bly. Omdat die brandgevaar ook hoog is moet gemeenskappe toegerus wees met brandbestrydingstoerusting en gebeurlikheidsplanne sou ’n brand uitbreek,” sê Tarien Cooks, rampbestuurspesialis vir AfriForum.

Volgens AfriForum is dit belangrik om weet wat om te doen tydens ’n hittegolf en die tekens en simptome te herken van hittekrampe, hitte-uitputting of sonsteek en vroegtydig die nodige hulp te kry.