Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

Buurtwagte in Marico neem deel aan nasionale patrollie

DeurAfriForum 20/04/202320/04/2023

AfriForum se Marico-buurtwagte het op 14 April aan dié organisasie se nasionale patrollie deelgeneem. Altesaam 254 patrolleerders het 8 253 km in 250 voertuie afgelê. Die buurtwagte in Hartbeespoort, Koster, Coligny, Brits, Rustenburg, Mooinooi en Zeerust het aan die patrollie deelgeneem.

“Dit is ’n riem onder die hart om die samewerking tussen die SAPD, verskeie veiligheidsgroepe en gemeenskapspolisiëringsforums se sien. Ons gesamentlike poging het gelei tot ’n veiliger en meer veiligheidsbewuste gemeenskap en ons waardeer die deelname van al die betrokke inwoners en organisasies,” sê Armand Viljoen, AfriForum se distrikskoördineerder vir Marico.

AfriForum wil graag al die deelnemers bedank wat hierdie nasionale patrollie in Marico moontlik gemaak het. Sonder die hulp van die gemeenskap en die betrokkenheid van alle rolspelers sou dit nie moontlik gewees het nie. Die bereidwilligheid van individue om betrokke te raak is ’n bewys daarvan dat die gemeenskap veiligheid ernstig opneem.

AfriForum is trots daarop om ’n positiewe verskil in die voorkoming van misdaad te maak deur die gebruik van ’n gemeenskapsgebaseerde benadering. “Ons bevorder samewerking tussen gemeenskapslede en wetstoepassingsagentskappe, wat bydra tot ’n toename in die opsporing en aanhouding van misdadigers. Die teenwoordigheid van ons patrolleerder in ’n gebied dien as ’n afskrikmiddel vir misdadigers en verminder die moontlikheid van hul aanvalle op onskuldige slagoffers,” sluit Viljoen af.

Klik hier om by jou naaste AfriForum-buurtwag aan te sluit.